adstop

 





ارقى واحلى تشيزكيك بثلاث طبقات من الشكلاط  لكم

الطريقة والمقادير

الطبقة الاولى

خذي 300غ بسكوي مطحون + 100غ 

زبدة دايبة من النوع الجيد خلطيهم 

و سرحيه في المول ودخليه للمجمد 

يشد راسو

الطريقة بالمراحل

250 مل قشدة طرية + 125 مل حليب بارد + 

ملعقة صغيرة جلاتين بودرة و 200غ شكلاط اسود 

خدي نفس المقادير وزيدي الشكلاط ابيض.

ونفس المقادير وزيدي الشكلاط بالحليب.

المرحلة 1

فوق النار قليلة طربي لكريما بالباطور غير 

شوية ملي يبانوليك فرقعات + الشكلاط اسود

دايبة 200 غ وطربي بالفوي بسرعة ثم خوي 

فوقها الحليب مع الجيلاتين بودرة حركي مزيان

حتى يعقاد شوية وخويه فوق البسكوي ودخليه

للمجمد.

 المرحلة 2 

نفس الطريقة ونفس المقادير تحضريها بالشكلاط 

الابيض يعني تغيري غير الشكلاط وتخويها فوق 

المرحلة الاولى وترجعيها للمجمد.

المرحلة 3 

نفس الطريقة نفس المقادير وتحضريها بالشكلاط 

بالحليب يعني تغيري دائما غير الشكلاط  وتخويها

فوق المرحلة الثانية ودخليها للمجمد تشد راسها 

وفي الاخير زوقيها على الطريقة لي بغيتي كما 

تلاحظي في الصور وتقدم باردة 

وبالصحة والراحة



بالنسبة لهذا الشكل تقدري تعملي حتى الملون لتغيري الالوان 













إرسال تعليق

 
Top