adstop

 





طارطة  بريستيج للاطفال من تقديم اختي الله يبارك لينا فيها

ويعطيها الصحة الدائمة دونيا دودو فلكم

تحضير الكيك الاول

2 بيضات + 6 معالق زيت + 6 معالق حليب + 6 معالق سكر

+ فانية + 6 معالق طحين + 2خمارة + خلطي الكل مزيان

وخويها في المول  ودخليها للفران طيب من بعد خذي نصف

كاس ماء + نصف كاس سكر+ عصير الحامض + 2 قطع

من الحامض يتبخوا وسقي بهم الكيك.

عملي كيك اخر بنفس المقادير وخويه في لاطا طويلة

وملي يطيب لويها واحد شوية . خدي نصف قرعة كونفتير

طحنيه + فلان تبخيه ثم دهني به الكيك الثاني ولويها مرة

اخرى مزيان ثم قطعيها وسدفيها على الاطار فوق الكيك الاول.


تحضير لكريما كطبقة اولى

نصف لتر حليب + 250 ملل كريم فريش + نسلي + 3 بكيات

رايب + 2 معالق كبار مايزينة عملي الكل فوق النار حتى يعقاد

وخويه فوق لطارط .


الطبقة الثانية 

نصف لتر حليب +2 فلان ديال لفريز + السكر حسب الذوق + 

ملعقة مايزينة والكل فوق النار حتى يعقاد وخويه فوق الطبقة

الاولى .


الطبقة الثالثة

لفريز 250 غ طحنيه + 2 فلان فزيز + شوية عصير الحامض

+ فانية + السكر حسب الذوق + ملعقة مايزينة والكل فوق النار

حتى يعقاد ثم عملي المرشم في الوسط وخوي الخليط في الجوانب

كما تلاحظي في الصور وباقي التزيين حسب كل سيدة .

وبالصحة والراحة



































إرسال تعليق

 
Top