adstop

 





بيتزا بعجين جديد وبالخضر لذيذة ومذاق هائل من اقتراح اختي 

دونيا دود و الله يبارك لينا فيها فلكم

الطريقة والمقادير

بيتزا بالخضر

4 كيسان طحين + 4 فرماجات + 2 معالق كبار زيت العود

2 معالق صغار زبدة + شوية ملح + م ص سكر+ 2 معالق

صغار خميرة معجونة خلطي لخميرة مع السكر بالماء دافئ

وخليها شوية دوب من بعد عجني الكل ودلكيها وخليها تخمر

من بعد ورقيها ودخليها للفران طيب شوية ثم عملي عليها

لصوص + البصلة + الفرماج محكوك الموزريلا + فلفلة 

 حمرة  وخضرة مقطعين + شوية فكاع + زيتون ثم للفران

 تكمل طيابها وملي تخرجيها رشيها بزيد العود وشوية زعتر.

بيتزا بالصومو

نفس لعجينة وعمريها بالبصلة + الفلفل + الفكاع + الزيتون

+ الصومو ودخليها للفران كلشي يطيب فمرة. 

تحضير لصوص

4 مطيشات كبار حيدي ليهم الزريعة + 2 معالق كبار مطيشة

دالحك شوية معدنوس + 2 فصوص توم + ملح + لبزار + 

الخرقوم + التحميرة + م ص سكر + 2 وريقات سيدنا موسى 

ونصف كاس ماء وخليها طيب من بعد حيدي اوراق سيدنا

 موسى وطحنيها  وضعيها جانبا على ما تحضري العجين. 

وبالصحة والراحة






















بيتزا الثانية بالصومو











إرسال تعليق

 
Top