adstop

 



ميني طارطات على شكل عش عصفور بالخضر لكم

الطريقة والمقادير 

خذي 200 غ طحين + 100 غ زبدة بحرارة المطبخ

خدميهم مزيان بالاصابع حتى تترمل العجينة + الملح

+ 2 اصفر البيض + تقريبا 2 معالق ماء باش تجمعي

لعجينة ثم غطيها وخليها ترتاح شوية على ما توجدي

الحشوة.

الحشوة هنا اختيارية لي بغتي ولي موجود عندك في 

المطبخ استعمليه انا خديت كبدة ديال الدجاج صلقيها

شوية في الماء حتى يخرج منها الدم ثم شحريها في

الزبدة او زيت العود مع البصلة مشحرة مقطعة مربعات

+ فلفلة خضراء + فلفة حمراء + 3 او 4 جزرات مقطعين

شرائح رقيقة ومشحرة في الزبدة وتقدري تزيدي اي خضر

او كفتة مكان كبد الدجاج او صدر لك الاختيار سيدتي من 

بعد + الملح + لبزار + شوية تحميرة + شوية زعتر ثم

ورقي لعجينة ورشمي وعمليها في مولات فردين دخليهم

للفران يتحمروا شوية من بعد عمريهم بالحشوة وفقصي

فوقهم البيض كما تلاحظي او صلقيه وحكيه ورجعيهم

يتحمروا شوية غير يطيب البيض او مكان البيض رشيهم

بالفرماج محكوك وبالصحة والهنا.


إرسال تعليق

 
Top