adstop

 


طارطة باردة بسيطة وجد لذيذة متشبعوش منها لكم

الطريقة والمقادير


الطبقة الاولى

300 غ بسكوي + 100 غ زبدة دايبة خلطيهم 

ولبسيهم للمول ديال القراصة ودخليها للثلاجة تبرد.


الطبقة الثانية 

خذي نصف لتر حليب + 2 فلان نكهة البنان او اي
 
  نكهة + ملعقة كبيرة كريم باتسيير او مايزينة +

 سكر 2 معالق كبار حسب الذوق خلطي الكل فوق

  النار حتى الغليان مع التحراك ثم خويه على البسكوي

غير بشوية ورجعيه للثلاجة يبرد ويشد راصو مزيان


الطبقة الثالثة

سلقي 3 حبات من الجزر صفيها وطحنيها + سكر حسب 

الذوق + ملعقة كبيرة كريم باتسيير او النشا + ربع لتر حليب

+ فلان عادي طحني الكل وعمليهم فوق النار حتى يعقاد شوية

ثم خويه على الطبقة الثانية ودخليه للثلاجة يبرد ويشد راصو


تحضير صلصة الشكلاط

كاس حليب + 2 معالق كبار كاكاو + السكر حسب لمرورة

  ديال الكاكاو خلطي الكل وعلى النار مع التحراك غير تبدا 

تعقاد شوية طفي النار + عليها 3 او 4 اطراف الشكلاط

 وحركي حتى تدوب الشكلاط ثم خويها فوق الطبقة الاخيرة

 وتقدري تستعمليها لجميع وصفاتك للحلويات 

ثم دخليها للثلاجة تبرد وتقدم باردة

بالصحة والراحة 



إرسال تعليق

 
Top