adstop

 





طريقة تحضير بسطيلة بالدجاج واللوز لكم 

الطريقة والمقادير

غسلي الدجاج كالعادة مزيان وخليه يستقطر من بعد شرمليه 

بالليل باش طيبيه في الغد خدي طنجرة فيها الملح + لبزار +

الخرقوم + سكين جبير + تصفيرة + المعدنوس اكثر من القزبر

وكاس ماء ثم غمري الدجاج في شرمولة مزيان وحكيه مزيان

وفي الجوانب وتحت الجلد وخليه ليلة كاملة  وفي الصباح + عليه

البصلة + الزيت العادية وخليه يتقلى مزيان ومرة مرة حركيه من 

بعد + الماء وسدي عليه وخليه يطيب على خاطرو ملي يطيب حيدي

الدجاج خليه حتى يبرد ثم حيديلوا لعظام وفرتيه وتركيه جانبا خذي 

لصوص لي طاب فيها الدجاج + عليها القرفة + السكر وبقاي تحركي

حتى تعقاد وتتعسل البصلة + عليها واحد 6 بيضات وبداي تحركي بعود

الخشب حتى يتخلط الكل وينشف تماما ثم خذي نصف كيلو لوز او حسب

كمية الدجاج صلقيه من بعد قليه وهرمشيه خذي المول او صينية البسطيلة 

دهنيه بالزبدة وفرشي فيه الورقة في الوسط والجوانب ورشيها مزيان بالزبدة

ثم عملي الخليط مرة واحدة او طبقات لي بغتي سيدتي اللوز + الدجاج + لصوص

ورشي دائما بالزبدة ثم عملي طبقة اخرى ودردري اللوز حتى تكملي كل الخليط

وبداي تسدي عليها من الفوق وتجمعي الجوانب مزيان ورشي الزبدة باش تجيك

الورقة فتية وهشيشة ثم دخليها للفران حتى تتحمر الورقة وخليها تبرد وزينيها حسب

رغبتك والطريقة لي بغتي فالتزيين كما كتلاحظي في الصورة 

وبالصحة والراحة 





إرسال تعليق

 
Top