adstop

 



طريقة عمل لخليع في المنزل بدوم ما يفسد لكم

الطريقة والمقادير

خذي القديد  يكون  عندك  من  قبل  مصايب ويابس

في الشمس  قطعيه شرائح  وعمليه في  الماء  سخون

يرطاب شوية من بعد خذي طنجرة ضعي فيها القديد

+ كاس ماء + 2 كيسان زيت العود + شوية قزبر يابس

مطحون وضعي الكل على نار مهيلة وخليه حتى يتشرب

الماء لي فيه وتبقى غير زيت داك ساعة + عليه الشحمة 

من الاحسن ديال لكلاوي تكوني مطيباتها من قبل ومصفياتها

مع الملح وشوية قزبر يابس وزيت العود وخليهم فوق النار

يزيد شوية من بعد خذي قطعة توب او ورقة غطصيها في

الزيت وشعليها بالنار الى شعلات مزيان يعني راه نشف من

الماء والى بقات تشتش يعني مزال فيه الماء صافي وخليه 

حتى يبرد ومتغطيهش وخويه في قريعات معقمين وسديهم

 مزيان وبهاد الطريقة راه مكيفسدش يبق طول العام طيبي

فيه البيض او عمليه في المرق 

وبالصحة والراحة

ملاحظة مهمة

بالنسبة للقديد ملي تشرمليه وتنشريه باش ييبس في المساء

غطيه بطرف توب باش ميطيحش عليه ندى هدا من جهة ومن

جهة اخرى غير دوز 4 ايام او 5 ايام عليه ويكون يبس داك

الساعة طيبيه خليع قطعيه يكون عاد فتي ورطبيه في الماء قبل

الاستعمال .








إرسال تعليق

 
Top