adstop

 





تحضير لحميس  او اللحم محمر بطريقة سهلة وناجحة


لكم الطريقة والمقادير


خدي اطراف اللحم يكونوا من الرجلة او لكتاف يكون ناشف من الماء

ضعيه في طنجرة + يوطرو زيت عادية + الملح  + لبزار + الخرقوم 

+ سكين جبير + 2 فصوص ديال ثوم  + شوية قرفة + 2 حبات  قرنفل

قرنفل + تصفيرة + القزبر يابس مطحون +  شحمة ديال لكلاوي حكيها 

في الحكاكة ثم رقديه ليلة كاملة  وفي الصباح عمليه فوق النار متوسطة

وزيدي عليه نصف لتر اخر من الزيت حتى يتغطى اللحم وخلطي مزيان

 وقلبي اللحم على الجهات وحاولي متنزل فيه حتى قطرة ماء ملي تحيدي

لغلاقة ديال الطنجرة لانها تكون عامرة الى لاحظتي بقطرات الماء صافي

 وخليه حتى يطيب على خاطرو مع التقلاب مرة مرة باش ميلصقش وهكذا

 يتحمر من جميع الجهات ملي يطيب خليه يبرد وصفيه من الزيت وعمليه

   في طنجرة اخرى وحتى الزيت احتافظي بها ملي يجيوك ضياف سخنيها

مع طريفات من اللحم وعملي فوقها الزيتون او البطاطا مقلية .

وبالصحة والراحة.

ملاحظة

وهاد الزيت لي طاب فيها اللحم تقدري طيبي بها البيض او دواز دلبطاطا 


اي طنجرة تقدري تعملي فيها ملعقة او 2 معالق كتلذذ المرق وكيجي هائل





إرسال تعليق

  1. برافو عليك راه حتی انا جربتو كيجي هايل الله يعطيك الصحة

    ردحذف

 
Top